Fakta

Sted:
Bergen
Studietype:
Halvårs- og årsstudium
Studieform: Nett- og samlingsbasert, undervisning ved lærestedet, samlingsbasert
Studietempo: Deltid
Studiepoeng:
30
Lagre i favoritter

Informasjon er oppdatert av Høgskulen på Vestlandet

.

Om studiet

Ønsker du å vidareutvikle deg som naturfaglærar? Med denne vidareutdanninga lærer du korleis du kan hjelpe elevane til å forstå omgjevnadene våre og legge til rette for ei berekraftig utvikling i framtida.

Kvifor studere Naturfag 2?

Ved å fordjupe deg i naturfag får du mogelegheit til å utvide eigen kunnskap og utvikle deg som pedagog. Du lærer å formidle eit fag som mange barneskuleelevar opplever som komplekst, på ein måte som skapar engasjement og forståing. Denne kompetansen er svært verdifull i læraryrket.

Kva lærer du?

Du lærer korleis du kan bidra til å utvikle dei yngste elevane si sansing, oppdagarglede, undring, naturglede og naturfagspråk når dei blir introduserte for naturfag. Du får også innsikt i korleis du kan førebu dei eldste elevane på overgangen til ungdomstrinnet.

Studiet legg vekt på ei konkret og praktisk tilnærming til naturfagundervisning i grunnskulen.

Naturfag 2 er delt i to emne:
Emne 1 blir undervist om hausten og tek for seg tema innan fysikk og kjemi.
Emne 2 blir undervist om våren og tek for seg tema innan humanbiologi, cellebiologi og evolusjon.

Les meir i emneplanane om kva du lærer og eksamen:

Målgruppe

Naturfag 2 er fastankra i nasjonale retningslinjer for grunnskulelærarutdanninga for 1.-7. årstrinn og læreplan for grunnskulen. Kurset bygger på naturfag 1, og det er anbefalt (men ikkje eit krav) at ein har fullført naturfag 1. Til saman utgjer naturfag 1 og 2 ei årseining i naturfag (60 studiepoeng).

Opptakskrav

Lærarutdanning (grunnskule-/allmennlærar, faglærar, barnehage-/førskulelærar eller praktisk-pedagogisk utdanning).
Det er anbefalt å ha minst 30 studiepoeng i naturfag frå tidlegare.

SKK Bekreftelse på utdanning fullføring NN