Lagre i favoritter
Gjennomgått i samarbeid med Pilot Flight Academy 28. november 2023

Pilot

Ein pi­lot fø­rer eit fly, he­li­kop­ter eller ubemanna fly (dronar), og kan ar­bei­de både i sivil luft­fart og i Forsvaret.

Arbeidsoppgaver

Pilotar (flygarar) kan arbeide som:

  • pilot i fly eller helikopter i sivil luftfart
  • pilot i jagarfly, spesialfly, transportfly eller helikopter i Forsvaret
  • pilot av ubemanna fly (dronar). Bruken av desse er aukande i det offentlege, i næringslivet og i Forsvaret.

I passasjerfly består besetninga vanlegvis av ein kaptein og ein styrmann, i tillegg til kabinpersonalet som tek seg av passasjerane. 

Som kaptein er du sjef i flyet og har ansvar for mannskap, passasjerar og last. Kapteinen har ansvar for at flyet fungerer slik det skal, og for at flyginga går føre seg etter sikkerheitsreglane. Styrmannen er nestkommanderande og avløyser kapteinen ved behov.

Ved andre typar flygingar, som for eksempel redningsoppdrag, kan det også vere med lege, redningspersonell eller andre spesialistar. 

Vanlege arbeidsoppgåver kan vere

  • Kapteinen og styrmannen lagar reiseplanen saman. Denne inkluderer ein plan for flyhastigheit, høgde og tid. 
  • På ein vanleg tur flyg ofte éin pilot, mens den andre overvaker flyginga. 
  • Den som overvaker har kontakt med flygeleiarar, passar på drivstoff og kontrollerer brytarane og spakane. 
  • Kapteinen har alltid hovudansvaret.

Pilotar må gå til jamleg legekontroll, litt avhengig av alder. Dei må også trene regelmessig på flysimulator. Sidan engelsk blir brukt som arbeidsspråk må pilotar kunne snakke og forstå engelsk svært godt. 

Kor jobbar pi­lo­tar?

Pilotar kan jobbe i flyselskap som flyg rutetrafikk og charterturar, både i Noreg og til utlandet. 

Andre er tilsett i selskap som driv med flyfrakt, ambulanseteneste, søk og redning, brannsløkking, taxiflyging, flyfotografering og inspeksjonsoppdrag.

Nokre pilotar arbeider med helikoptertransport tilknytt olje- og gassindustrien, eller helikopterløft og spesialoppdrag i innlandet.

Forsvaret har pilotar som flyg jagarfly, store og små transportfly, rekognoseringsfly og helikopter.

Ny teknologi og bruk av dronar har skapt fleire jobbar, for eksempel innan redning og naudhjelp, inspeksjonar, fotografering og små løfteoppdrag. 

Bli med ein pilot på jobb

Korleis er det å jobbe som pilot?

En mann i rød pilot-uniform. Han er i et fly.

Pilot

Kristian Bergesen

– Jeg har barndomsdrømmen min som yrke. Jobben min gir virkelig mening og utgjør en forskjell i folks hverdag, forteller Kristian.

Viktige egenskaper for en pilot

For å bli pilot må du vere i god form, både fysisk og mentalt. Du må vere motivert, og klare å halde hovudet kaldt i stressande situasjonar. Pilotar må kunne vurdere risiko i situasjonar raskt, og ta riktige avgjerder. I tillegg er det viktig å kunne samarbeide godt, og kommunisere tydeleg. 

Kva tener pi­lo­tar?

Korleis utdannar du deg til pilot?

Du kan bli pilot ved å tabachelor i luftfartsfag ved Universitetet i Tromsø – Noregs arktiske universitet. Her må du ikkje betale for utdanninga sjølv.

Du kan også ta sivil utdanning ved private fagskolar. Privat utdanning betaler du sjølv. Nokre private skolar er godkjende og gir rett til delfinansiering frå Lånekassen. 

Utdanning i utlandet 
Du kan ta utdanning i andre europeiske land, og dessutan USA, og få utdanninga godkjend i Noreg. Obs: Ikkje alle utdanningar kvalifiserer for godkjenning i Noreg.

Militær utdanning
Utdanninga i Luftforsvaret går føre seg i Noreg og USA. Du får lønn under utdanninga og dei som fullfører får fast jobb som flygar i Luftforsvaret. Med ein militær flygarutdanning bind du deg for cirka 15 år i Luftforsvaret, inkludert to-tre års utdanning.

Opptakskrav
Opptakskrava varierer frå skole til skole.

Skal du utdanne deg til yrkesflygar vil krava vere strengare enn om du utdannar deg til privatflygar. Det blir også stilt krav til fysisk og psykisk helse, og du må vise medisinsk bevis klasse 1. Du må også ha plettfri vandel. 

For å bli vurdert som søkjar i Luftforsvaret må du vere mellom 18 og 22 år (24 år for personar med fullført befalsskole).

Les meir om medisinske krav i luftfarten på Luftfartstilsynets nettside

Videreutdanning

Et­ter- og vi­da­re­ut­dan­ning

Pi­lo­tar kan, ba­sert på opp­nåd­de kva­li­fi­ka­sjo­nar, hei­le tida opp­gra­de­re seg for andre fly­ty­par.

Kva for ei utdanning er vanlegast for pi­lo­tar?

Dei som har utdanning for yrket jobbar som?

  • 581201 - Flygerutdanning, treårig
  • 581299 - Luftfartsfag, uspesifiserte, påbygging til videregående utdanning
  • 481201 - Flygerutdanning
  • 581202 - Fagskoleutdanning, flygerutdanning
  • 681203 - Bachelor, luftfartsfag, treårig
  • 581203 - Fagskoleutdanning, trafikkflyger – fly, toårig

Bedrifter: Kor jobbar pi­lo­tar?

Her finn du ei oversikt over bedrifter som har stillingar i dette yrket eller liknande yrke. Dette kan vere nyttig for den som leitar etter arbeidsplass, læreplass eller hospiteringsplassar. Oversikta kan også vere nyttig for skular som vil finne bedrifter dei kan samarbeide med.

Bedrifter med pi­lo­tar

Vigo

Informasjon om løpande lærekontraktar og godkjende lærebedrifter blir fylkesvis henta frå Vigo. Alle fylka i landet har inngått ein driftsavtale med Vigo og Utdanning.no  for å få denne informasjonen presentert nettsidene våre.

Vi hentar nye data frå Vigo og oppdaterer informasjonen om lærlingar og lærebedrifter kvar natt.

NAV

Arbeidslivsinformasjon får vi frå Navs Arbeidsgivar- og arbeidstakarregister (Aa-registeret).

Arbeidsgivarar pliktar å registrere sine tilsette i Aa-registeret, mellom anna med rett stillingstittel. Det er 9000 ulike stillingstitlar (STYRK-kodar) å velje mellom. Nokre yrke har mange detaljerte og dels overlappande underkategoriar, eksempelvis røyrleggjarar, og andre yrke manglar ein eigen kategori, eksempelvis hematologer. Dette betyr at det alltid vil finnast nokre unøyaktigheiter og feilregistreringar.

Me har knytt flest mogleg av Nav sine 9000 stillingstitlar opp mot 600 yrkesskildringar på Utdanning.no . Dette er ein manuell prosess og feil kan finnast. Vi jobbar kontinuerleg med å kvalitetssikre desse koplingane og tek gjerne imot innspel.

Nokre stillingstitlar frå Aa-registeret er kopla til meir enn éi yrkesskildring. Stillingstittelen "Spesialarbeider (Snekker)" er til dømes knytt opp mot yrka "Møbelsnikkar", "Trevaresnikkar" og "Industrisnikkar". Om ein legg saman stillingstal for desse enkeltyrka vil det samla stillingstalet bli for høgt.

Vi innhentar nye data frå Aa-registeret og oppdaterer arbeidslivsinformasjonen slik at vi har nye data på morgonen den 13. i kvar månad.

  • 3143110 - TRAFIKKFLYGER
  • 3143109 - FLYSTYRMANN
  • 3143108 - FLYKAPTEIN
  • 3143107 - PILOT (LUFTFART)
  • 3143102 - FLYGER
  • 3143101 - ANNENFLYGER
  • 3143105 - SJEKKFLYGER
  • 3143106 - KONTROLLFLYGER

Andre yrke

En mann i svart genser sitter foran en dataskjerm

Art director

Ein art director utviklar idear og konsept for reklame, TV og radio.
Eiendomsmegler bærer på et visningsskilt foran noen boligblokker

Eigedomsmeklar

Eigedomsmeklaren legger til rette for at kjøp og sal av eigedommar skjer på ein trygg og effektiv måte.
Geolog inni Pulpi-geoden i Almeria, Spania.

Geolog

Geologi er læra om jorda: hennar samansetjing, oppbygging og utvikling frå første byrjing og fram til i dag.
Kirurger

Kirurg

Ein kirurg er ein lege som opererer pasientar, i tillegg til anna behandlinga.
Mekaniker jobber med helikoptermotor

Mekanikar

Som mekanikar arbeider du med vedlikehald, reparasjon og forbetring av mekanisk utstyr.
Sykepleier i blå skjorte med stetoskop rundt halsen.

Spesialsjukepleiar innan psykisk helse

Som spesialsjukepleiar innan psykisk helse hjelper du menneske som har psykiske helseutfordringar.
Illustrasjonsbilde av tollere som kontrollerer eit skip.

Tollar

Som tollar kan du blant anna jobbe med kontroll av reisande, reisegods, køyretøy og båtar.
Mann med briller sitter ved et bord med laptop og papirer

Teknisk forfattar

Tekniske forfattarar utarbeider bruksrettleiingar, handbøker, installasjonsrettleiing, katalogar og tekniske rapportar.
Spade med fiskefôr holdes fram for å kastes ut i merden med fisk.

Produktutviklar fiskefôr

Som produktutviklar av fiskefôr jobbar du med å lage best mogleg fôr til fisk.
En animatør sit foran ein skjerm og teiknar.

Animatør

Animasjon handlar om å skapa liv og rørsle. Som animatør bør du vera kreativ og ha interesse for film og skodespel.
En mann i svart kokkeuniform og caps tar på seg et par blå plasthansker. Han står bak en disk fyllt med fisk og sjøkmat. I bakgrunnen er det et storkjøkken.

Butikkmedarbeidar

Butikkmedarbeidaren hjelper kundar og yter service i ulike typar butikkar.
Illustrasjonsbilde av fysiker i arbeid

Fysikar

Som fysikar arbeider du med alt frå studiet av små partiklar til korleis universet fungerer.